ფოთში პროფკავშირმა საგამოცდოდ პედაგოგებს ტრენინგები ჩაუტარა

20180705_115734

4-5 ივლისს სპმთპ-ის ფოთის საქალაქო ორგანიზაციის თაოსნობითა და მხარდაჭერით საჯარო და კერძო სკოლის მასწავლებლებისთვის პროფესიულ უნარებში ორდღიანი ტრენინგი გაიმართა.

ტრენინგის მიზანია მასწავლებელთა სასერთიფიკაციო გამოცდებისთვის გადამზადება. ორდღიან ტრენინგს ტრენერი მიმოზა ტყებუჩავა უძღვებოდა.

სპმთპ-ს ფოთის საქალაქო ორგანიზაციის თავმჯდომარის ინგა გვასალიას თქმით მასწავლებელთა ტრენინგები საქართველოს პედაგოგთა და მეცნიერთა თავისუფალი პროფკავშირების ერთერთი მთავარი მიმართულებაა, სწორედ ამიტომაც სისტემატიურად იმართება მთელი საქართველოს მაშტაბით პედაგოგებისთვის ტრენინგები სხვადასხვა საგანში. ასევე ორგანიზაციის ხელმძღვანელების მიზანია სკოლაში სწავლების ხარისხის გაუმჯობესება, პედაგოგთა კვალიფიკაციის ამაღლება და მათი უფლებების დაცვა.

ტრენინგებით კმაყოფილები დარჩნენ პედაგოგები. მათი თქმით საინტერსო და საფუძვლიანმა ტრენინგმა საშუალება მისცა გაეღრმავებინათ ცოდნა სწავლების მეთოდებსა და ხერხებზე.

სპმთპ-ს ფოთის საქალაქო ორგანიზაცია აგრძელებს პედაგოგებისთვის ტრენინგებს, როგორც სასერთიფიკაციო გამოცდებისთვის ისე სერთიფიცირებული პედაგოგებისთვის.


კომენტარები სტატიაზე